পৃষ্ঠা:Kirtan Ghosha.pdf/২১৫

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
২০৪
[ খণ্ড ১০
কীৰ্ত্তম-ঘোষা


আসিল দানৱগোট বৎস-ৰূপ ধৰি।
লাঙ্গুল সহিতে তাৰ ধৰি পাছ ভৰি॥
আলগতে ফুৰাই পাক হানিলাহা দলি।
কপিত্থত পড়ি যম-পুৰে গৈল চলি॥ ৭১

যষ্ঠ কীৰ্ত্তন

ঘোষা॥  ৰামৰ চৰণে ধৰো।
 স্বামী যেনমতে তৰো॥ ৬


পদ॥ বকাসুৰে কৃষ্ণক গিলিলে ঠোঠে ধৰি।
 দেখি গোপ-শিশুগণ যেন গৈল মৰি॥
 পাছে তাৰ তালুত লাগিল যেন জুই।
 ছাদিল কৃষ্ণক বকে বিমূৰ্চ্ছিত হুই॥ ৭২
 দুনাই ঠোঠে গিলিবাক আসে দেখি তাক।
 লীলায়ে চিৰিলা যেন বিৰিণা-পোথাক॥
 সবান্ধৱে ধেনুকক নিলা ৰসাতল।
 গোপ-শিশুগণক ভুঞ্জাইলা তাল-ফল॥ ৭৩
 ময়ৰ তনয় ব্যোম গোপ-ৰূপ ধৰি।
 গোপ-শিশুগণক নিলেক চুৰি কৰি॥
 গহ্বৰত থৈলা নিয়া ঢাকিয়া শিলায়ে।
 তাক মাৰি শিশুসৱ আনিলা লীলায়ে॥ ৭৪