এই পৃষ্ঠাটোৰ বৈধকৰণ হৈছে
প্ৰথম খণ্ড
চতুৰ্ব্বিংশতি-অৱতাৰ-বৰ্ণন
প্ৰথম কীৰ্ত্তন
ঘোষা॥ জয় হৰি গোবিন্দ নাৰায়ণ ৰাম কেশৱ হৰি।
ৰাম ৰাম কেশৱ হৰি॥ ১
পদ॥ প্ৰথমে প্ৰণামো ব্ৰহ্মৰূপী সনাতন।
সৰ্ব্ব অৱতাৰৰ কাৰণ নাৰায়ণ॥
তযু নাভি-কমলত ব্ৰহ্মা ভৈলা জাত।
যুগে যুগে অৱতাৰ ধৰা অসংখ্যাত॥
মৎস্য-ৰূপে অৱতাৰ ভৈলা প্ৰথমত।
উদ্ধাৰিলা চাৰি বেদ প্ৰলয়-জলত॥
সত্যব্ৰত ৰাজাক দেখাইলা নিজ মায়া।
নধৰিলা সমুদ্ৰে তোমাৰ মৎস্যকায়া॥২
কূৰ্ম্ম অৱতাৰ ভৈলা ক্ষিৰোদধি-তীৰে।
লক্ষ প্ৰহৰৰ পথ জুড়িলা শৰীৰে॥
কৰিলেক পৰি তুতি সুৰাসুৰ নাগে।
ধৰিলা মন্দৰ গিৰি প্ৰভু পৃষ্ঠি-ভাগে॥৩
পাঠান্তৰ পদ ২॥ চাৰি বেদ- বেদ প্ৰভু