সমললৈ যাওক

পৃষ্ঠা:Kaibo-kali-Ed-1st.pdf/৭৬

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
কাব্য-কলি।
 

ধৰাঁ আহি সুৰ ললিত ৰাগিণী,
বৰষাঁ হিয়াত অমিয়া ৰাৱ।

⸻ ⸻


৪। আকাশ।


তুমিয়ে অনন্য নেকি অনন্ত আকাশ
পৃথিবীক শূন্যত ধৰিছা?
প্ৰকৃতিৰ ৰূপ-লীলা বাসুকীৰ ফণা
যাৰে এই বিশ্ব আবৰিছা?
তোমাতে উদ্ভৱ নেকি চন্দ্ৰ,সূৰ্য্য, গ্ৰহ,
তৰাবোেৰ জকমক কৰা?
তোমাৰে স্ৰজন নেকি চাৰি মুঠি জীৱ,-
উৰা বুৰা গজা ভ্ৰমি ফুৰা?
তোমাৰেণে প্ৰতিবিম্ব আতমা জীৱৰ?
পঞ্চেন্দ্ৰিয় তোমাৰে স্ৰজন?
তোমাৰে নে বই থকা কালৰ সোঁতত
মানুহৰ উত্থান-পতন?
তোমাৰ আত্মাই নেকি নিৰ্গুণ-ঈশ্বৰ
⸺পৰমাত্মা পুৰুষ প্ৰধান?
অনন্ত আকাশ তব অনন্ত মহিমা
অন্ত নাই বুজিম কিমান?

⸻ ⸻


৫। ভীষ্ম।


ভাৰতৰ পূৰ্ণকলা চন্দ্ৰ পূৰ্ণিমাৰ
দেৱব্ৰত মহাব্ৰত ভীষ্ম মহাভাগ!

৬৬