এই পৃষ্ঠাটোৰ বৈধকৰণ হৈছে
কাব্য-কলি ৷
ৰণত লগুণ পিন্ধা আহোমৰ সেনা
আহোম ছুটিয়া নৰা নানা জাতি সনা,
“বামুণ” হৈয়েই ৰল,
বামুণেৰে মিলি গল,
শেহত অনেকে কলে, “পছিমৰ অনা”
অসমীয়া বাপোদেউ” এনে কতো জনা।
আহোমৰ প্ৰবঞ্চনা বুজি চিলাৰায়ে
আকৌ এবাৰ আহোমৰে ৰণ দিয়ে।
এইবাৰ হৰুৱালে,
কিন্তু, মিত্ৰ পাতি থলে,
সঙ্কলা কুৱঁৰী দিলে চুখামফাৰ বিয়া,
আহোম কোচৰ ৰজা হল সম্বন্ধীয়া।
স্বৰ্গী হল স্বৰ্গদেৱ বুঢ়া বয়সত;
চুচাংফা কোৱঁৰ উঠে সিংহ আসনত।
বুদ্ধি স্বৰ্গ নাৰায়ণ।
হিন্দু নাম বিতোপন,
আঠত্ৰিছ বৰ্ষ এওঁ খায় ৰাজপাট
আলি দ’ল গড় থলে কীৰ্তি অসংখ্যাত।
আব্দাৰ চালাম নামে এক সেনাপতি
আহি কৰিছিলে যুদ্ধ আহোমৰে সতি!
আহোম ৰণুৱা গই
সৈন্য সমে বন্দী কই
৩২