এই পৃষ্ঠাটোৰ বৈধকৰণ হৈছে
কাব্য-কলি।
হৈছোঁ যদিও আপোন পেটীয়া
স্বাৰ্থ হিংসাৰ দাস,
তথাপিও আছে— দেৱৰ বীৰ্য্য—
হিয়াত অমৰ আশ।
আজিও হে দেৱ! অসমীয়া নামে
সহোদৰ হেন বুজোঁ,
তেজৰ সলনি জ্ঞাতিৰ মঙ্গলে
চকুৰ লোৰে পূজোঁ
কোৱাঁ গিৰি! কোৱাঁ, পৰিবনে হেৰা
আমাৰ দুৰ্গতি ওৰ?
পাৰিবনে বাৰু মানুহ বোলাব
জাতি ভাইহঁতে মোৰ?
⸻
(২) চৰগুৱা।
স্বৰ্গৰ স্বৰূপ তুমি চৰগুৱা হৰি!
আছিলাঁ এদিন যেবে,
অসম আহোম সৱে
দেখালে মহত্ব নিজ সামৰাজ্য জুৰি।
( মৰ্ত্ত্যত নিৰ্ম্মিলে এই স্বৰগীয় পুৰি। )
২৩
