এই পৃষ্ঠাটোৰ বৈধকৰণ হৈছে
কাব্য-কলি।
(২৩)
হব লগীয়াতো হব নলগা নহয়,
এই ভাবি দুশ্চিন্তাক নিদিবা আশয়।
(২৪)
শৰীৰ থাকোঁতে সুস্থ নেযাওঁতে প্ৰাণ,
সদায় সাধিবা তুমি নিজৰ কল্যাণ।
(২৫)
কৰ্ত্তব্যনে অকৰ্ত্তব্য গমি-গপি বাবাঁ,
কৰ্ত্তব্যটো হলে পাচে ধীৰেৰে কৰিবাঁ।
(২৬)
শতেক সুকৃতি হোক এক দুৰ্ম্মতিয়ে
ভ্ৰষ্ট কৰে স্ত্ৰীক যেন বন্তিকা বায়ুৱে।
( ২৭)
জ্ঞান ৰত্ন ঘটি যেয়ে নাই কৰা দান,
জ্ঞানময় ভগবান তাৰ প্ৰতি বাম।
(২৮)
জীবিকালৈ ঈশ্বৰৰ সদায় যুগুতি,
জনমিয়ে খাদ্য পায় পয়োধৰ দুটি।
(২৯)
ধনৰ টোকোনা আছে, আছে সম্পদৰ,
নোপোৱাঁ টোকোনা কতো সুখৰ মাতৰ।
সংসাৰ সমস্ত যদি শুনি মিঠা মাত,
কবলৈ কুণ্ঠিত কিয় হয় লোক তাত।
৯২