এই পৃষ্ঠাটোৰ বৈধকৰণ হৈছে
৮৭
দিহা নামৰ সম্ভাৰ
লক্ষভাগো নুহি জানা মোৰ নাম সম।
অ’ সমস্ত যজ্ঞৰে ৰাজা যিটো ৰাজসূয়,
নামৰ সমান সিটো কোটি বাগো নয়॥
মোৰ নাম লৱে যেবে বাঢ়য় অগনি,
শুখান পাতেক বন লাগৈ তাতে চানি।
অ’ হওঁ অনুকুলে মই প্ৰচণ্ড বতাস,
তিলেকো নালাগে দহি কৰো সৰ্ব্বনাশ॥
সৰ্ব্ব ধৰ্ম্ম এৰি এক শৰণ সাক্ষাত,
সুদৃঢ় বিশ্বাসে সখি লৈয়োক আমাত।
অ’ নকৰিবা ভয় হেৰা কৰো অঙ্গিকাৰ,
সমস্ত পাপতে মই কৰিবো নিস্তাৰ॥
নামৰ মহিমা কোনে কৰিবেক সীমা,
ব্ৰহ্মা হৰ অনন্তে নপান্ত যাৰ সীমা।
অ’ হেন জানি বোধজন এৰি আন কাম,
পাতেক চাৰোক ডাকি বোলা ৰাম ৰাম॥
৩২। মূল ঘোষাঃ-
হনুমন্ত জাম্বৱন্ত আৰু বিভিষণে,
উদ্ধৱ বিদুৰ মৈত্ৰ আদি ভক্ত গণে।
সৰ্ব্ব ত্যাগ কৰি ভৈলা ঈশ্বৰৰ দাস,
কলিৰো ভকতে জানো নোৱাৰিবে তাক॥
