এই পৃষ্ঠাটোৰ বৈধকৰণ হৈছে
৪৬
দিহা নামৰ সম্ভাৰ
পদঃ-
নামৰ মহিমা কহন্তে কেশৱে অ’
আপুনো বিস্ময় ভৈলা।
শৰীৰৰ ৰোমাঞ্চ বচন নোলাই
নিচুকী তম্ভিয়া ৰৈলা॥
দেৱ স্মষি নৰ সিদ্ধ বিদ্যাধৰ অ’
গন্ধৰ্ব চাৰণ গণে।
হৰি নামৰ গোপ্য মহিমাক
তেসম্বো কেহো নজানে॥
কৃষ্ণৰ চৰণ চিন্তিয়া থাকয় অ’
বৰিয়ো কীৰ্ত্তন কৰ্ম্ম।
মনুষ্য লোকত এহিমানে মাত্ৰ
পুৰুষৰ শ্ৰেষ্ঠ ধৰ্ম্ম॥
যাহাৰ জিহ্বায়ে নোবোলৈ কৃষ্ণৰ অ'
গুণ নাম সৰ্ব্বক্ষণ।
সিজনৰ মনে হৃদয় পদ্মত
নিচিন্তে কৃষ্ণৰ চৰণ॥
শুক নিগদতি শুনা কুৰুপতি অ’
কহিলো পৰম সাৰ।
কৃষ্ণ নাম বিনা ইটো সংসাৰত
কাহাৰো নাহি নিস্তাৰ॥