পৃষ্ঠা:Bigyan aru Bolsobi Ishan-Jyoti-Bora-ebook.pdf/৭২

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

আকৰ শোধন কৰাৰ প্ৰকল্প এটাৰ সৈতে জড়িত হৈ পৰিল।

 পৰিৱৰ্তী প্ৰৱাহৰ ধাৰণাটোৰ জৰিয়তে লাভ কৰা ‘পেটেণ্ট’ আৰু উপাৰ্জন কৰা ধনৰ সহায়ত টেছলাই ব্যক্তিগত কেতবোৰ আকাংক্ষা পূৰণৰ দিশে আগবাঢ়িল। মানহাট্টানৰ একাধিক ঠাইত টেছলাই নিজৰ গৱেষণাগাৰ সাজি কেইবাটাও অভিনৱ আৱিষ্কাৰ কৰিলে। এইবোৰৰ ভিতৰত টেছলা কয়ল, তাঁৰবিহীন বৈদ্যুতিকীকৰণ, ভাপ চালিত দোলিত উৎপাদক আছিল প্ৰধান। টেছলাই আৱিষ্কাৰ কৰা কেইবাটাও অভিনৱ কৰ্মৰ নিদৰ্শনক ছবিখনত মনোগ্ৰাহীকৈ উপস্থাপন কৰা হৈছে। তাৰ ভিতৰত - ৰিম’ট ৰেডিঅ’ কণ্ট্ৰ’ল, কল’ৰাড’ স্প্ৰিংজ, ৱাৰ্ডেনক্লাইফ আদি।

 টেছলাৰ জীৱনৰ এটা দুৰ্ভাগ্যজনক ক্ষণক ছবিখনত উপস্থাপিত কৰা হৈছে। ১৮৯৫ চনৰ ১৩ মাৰ্চ। ছাউথ ফিফথ এভিনিউস্থিত টেছলাৰ গৱেষণাগাৰটোক প্ৰকাণ্ড অগ্নিশিখাই আগুৰি ধৰিলে। টেছলাৰ প্ৰাণতকৈও আপোন কিছুমান গুৰুত্বপূৰ্ণ নথি, আৰ্হি আৰু সঁজুলি ভস্মীভূত হ'ল। জুইৰ এই তাণ্ডৱে টেছলাক মানসিকভাৱে যথেষ্ট হতাশ কৰি তুলিছিল। হতাশগ্ৰস্ততাৰ পৰা উলটি আহি টেছলাই নিজৰ গৱেষণাগাৰ হাউস্টনৰ দুটা মহলাত নিৰ্মাণ কৰিছিল।

 জে.পি.মৰ্গানৰ পৰা পোৱা ধন খটুৱাই ১৯০১ চনত টেছলাই এটা বৃহৎ প্ৰকল্প হাতত ল'লে। তাঁৰবিহীন পৰিবহন। ইয়াৰ বাবে প্ৰয়োজন হৈছিল এটা সুউচ্চ টাৱাৰ- যাৰ নাম ৰখা হৈছিল। ‘ৰ্ডেনক্লাইফ টাৱাৰ'। নিউ ইয়ৰ্কৰ শ্ব’ৰহ’মত টেছলাৰ এই প্ৰকল্প অৰম্ভ হ'ল। সেইসময়তে মাৰ্কণি নামৰ বিখ্যাত বিজ্ঞানীজনো ঠিক তেনে এটা প্ৰকল্পৰ ৰূপায়ণতে ব্যস্ত আছিল। টেছলাই যাক তেওঁৰ

প্ৰকল্পটোৰ নকল বুলি অভিহিত কৰিছিল। টেছলাই মাৰ্কণিক উচিত প্ৰত্যুত্তৰ দিয়াৰ প্ৰত্যাশাৰে আগতকৈও শক্তিশালী ‘ট্ৰেন্সমিটাৰ’ এটা নিৰ্মাণৰ কথা ভাবিলে। কিন্তু তেওঁৰ বিনিয়োগকাৰী মৰ্গানে টেছলাৰ প্ৰকল্পৰ বাবে অতিৰিক্ত অৰ্থ সাহায্য দিবলৈ অমান্তি হ’ল। সপোনৰ প্ৰকল্পটোৰ বাবে অৰ্থ সাহায্য বিচাৰি টেছলাই পৰৱৰ্তী পাঁচটা বছৰত জেপি মৰ্গানলৈ পঞ্চাছখনতকৈও অধিক অনুৰোধসূচক চিঠি প্ৰেৰণ কৰিছিল। জে.পি.মৰ্গানৰ বিয়োগৰ পিছত টেছলাই চিঠি লিখিবলৈ ধৰিলে তেওঁৰ পুত্ৰ জেক মৰ্গানলৈ। এই সময়ৰ ভিতৰতে মাৰ্ণিয়ে তেওঁৰ আৱিষ্কাৰৰ জৰিয়তে জনাজাত আৰু প্ৰভাৱশালী হৈ পৰিল। ‘তাঁৰবিহীন পৰিবহন’ কৰা প্ৰথমজন ব্যক্তি হিচাপে মাৰ্কণিক সকলোৱে চিনি পালে।

 টেছলাৰ আকাংক্ষিত সাফল্যৰ সন্মুখত হেঙাৰ হৈ থিয় দিলেহি সংবাদ মহলৰ একাংশ মানুহ। তেওঁলোকে টেছলাৰ প্ৰকল্পক ‘ভুৱা’ আখ্যা দিলে। এইবোৰ বেমেজালিয়ে টেছলাৰ আৱিষ্কাৰৰ গতি স্তিমিত কৰি তুলিলে। ১৯০৫ প্ৰকল্প নিৰ্মাণকাৰ্য বন্ধ হ’ল। সিপিনে ক্ৰমাৎ ধাৰত পেতি যোৱা টেছলাই অৱশেষত ধাৰ মাৰিবলৈ। ‘ৱাৰ্ডেনক্লাইফ'ৰ সম্পত্তি বন্ধকত দিবলগীয়া হ'ল। ১৯১৫ চনত টেছলাই এই সম্পত্তিও হেৰুৱালে আৰু ১৯১৭ চনত সমস্ত প্ৰকল্প ধ্বংস কৰি দিয়া হ'ল।

৭১