এই পৃষ্ঠাটোৰ বৈধকৰণ হৈছে
৬৮
ৰহঘৰা।
প্ৰথমতেই “টাই”, “কলাৰ”
মণি-মাদলীৰ ভৰত;
উখহি উখহি ডিঙিৰ সাঁচটো
হেৰাব মূৰৰ তলত।
দিনে ৰাতিয়ে বিত চকুৰ
আমনি সহি থাকি;
ধৰ্ম্মঘট কৰি নাক-চকুৱে
দিব এদিন ফাঁকি।
প্ৰামোফোনৰ ব্যৱহাৰত
ঢুকাব জিতা ওঁঠ;
খুৰব চুমাত তত হেৰুৱাই
পলাব ডাঢ়ি গোঁফ।
চুলি কেইডাল ‘হেটৰ' তলত
থওঁতে সদাই ৰাখি;
হঠাৎ এদিন নোহোৱা হব
তপা কায়েই সাক্ষী।
পৰৰ কথালৈ কাণ নিদিয়াত
মিলিব কাণৰ ক্ষয়;
চামুচ কাটাৰ প্ৰভাৱত হব
হাত দুটাৰো লয়।
দোলা-ঘোৰা, 'মটৰকাৰ'
চাইকল্ বাগীৰ তাপত
“অনভ্যাসে হতা বিদ্যা”,
লুকাব চৰণ লাজত।
