এই পৃষ্ঠাটোৰ বৈধকৰণ হৈছে
৫৩
বিহুৰ সম্ভাষণ।
পাইছিলোঁ খেল, কথা-বাৰ্ত্তা
সকলোবোৰতে মউ।
এজন শিক্ষিত ডেকা বন্ধুৱে
মাতিছিল খুৱাম বুলি;
আবেলি পৰত অকলে অকলে
গলোঁ তালৈকে বুলি।
প্ৰথমে গ’ল হাত-জোকৰা
অভ্যৰ্থনাৰ পাল;
তাৰ পিচত হে ধৰিলোঁ গম
কথাটো নহ'ল ভাল।
কিয়নো খাবলৈ ভিতৰ সোমাই
কাণ্ড দেখিলোঁ মহৎ;
আছে খাদ্য নিশ্চিন্তে শুই
কঁপাই টেবিল ভৰত।
খৰিকাত দিয়া কুকুৰা-মঙ্গহ
থৈছিল থালত সজাই;
আছিল ফটিকা বটল চেৰেক
ভক্তলৈ বাট চাই।
আৰু কত বিলাতী আহাৰ
নুশুনা নজনা নাম,
চামুচ কাটাও দেখিলো তাতে
যদিও নাজানো কাম।
সুধিলোঁ বন্ধুক- “ইকি কাণ্ড!
ইনো বিহু কেনে?”