এই পৃষ্ঠাটোৰ বৈধকৰণ হৈছে
পূৰ্ণচন্দ্ৰ৷
সদৰ আমীন সৰ্বানন্দক
সকলো ৰাইজে জানে;
আন নহলেও ঘৰৰ ঘৈণীয়ে
দেৱতাৰ দৰে মানে।
ত্ৰিচ বছৰত ভৰি দিওঁতে
জন্মিল এটি পুত্ৰ;
পুৱাই বাপুৱে পাঁজি মেলি
চালেহি গতি-গোত্ৰ।
নামটো থ’লে পূৰ্ণচন্দ্ৰ
সোঁৱৰণী এখন কৰি;
দিনে দিনে হলহি বাঢ়ি
ফুৰিব পৰা লৰি।।
সৰুতে ঘৰত পঢ়িছিলে
ফলি-পুথি লই;
অ-আ, ক-খ- মাতিব পাৰিছিল
ক’তো নোৰোৱাক’ই।
স্কুলত দিলতো প্ৰথম ছোৱাত
আছিল লৰাটো ভাল;
মাক-বাপেকৰ সহায় পাই হে
পিচত হলহি কাল।।
দুই, তিনি, চাৰি বছৰকৈ
একে শ্ৰেণীতে পঢ়ি;