এই পৃষ্ঠাটোৰ বৈধকৰণ হৈছে
৩৮
ৰহঘৰা।
ডাঙৰ হলেই পঢ়াব লাগিব
পইচা-কড়ি ভাঙি;
ছোৱালী হ’লে উলিয়াই দিওঁতেই
লাগিব ধনৰ সাঙী।
সৰ্ব্বস্বান্ত হৈ, লাগিব শেহত
বানপ্ৰস্থী হ’ব;
তেতিয়াও হায়, ডেকালিৰ চিন
সাঁচ বান্ধি ৰ’ব।
এতেকে বুঢ়া হোৱাঁ ভাই, একে চোঁচাই
কেচুৱা কালটো এৰি;
কিয়নো মাজৰ ডেকা কালটো
সকলো কষ্টৰ গুৰি।
(৪)
শুনাচোন কওঁ আৰু অলপমান
ডেকা কালটোৰ কথা :-
ইয়াৰ ঠেলাত মানুহ হয় ঠিক
দীঘলডঢ়ীয়া পঠা।
ভাল-বেয়াৰ নাথাকে বিচাৰ
মনৰ নাথাকে থিৰ;
নামানে কাৰো হাক-বচন
ভাবে নিজকে বীৰ।
তেজৰ বলত সংসাৰ বনত
অনাই বনাই ফুৰে;