এই পৃষ্ঠাটোৰ বৈধকৰণ হৈছে
৩৭
বুঢ়াৰ উপদেশ।
লাগিব মনত ফুলনি বাৰীৰ
যেন গোলাপৰ পাহি।।
দুদিন পিচত মুখ ওফোন্দাই
কৰিব ঘনাই মান;
“দেহি পদ— পল্লৱমুদাৰম্”
কৰিহে পাবা ত্ৰাণ।
তুষ্ট কৰিবলৈ গহনা দিওঁতে
লাগিব কেঞাৰ ধাৰ;
হব শেহত পহিলা তাৰিখটো
যমৰ দক্ষিণ দ্বাৰ।
এডেকে বুঢ়া হোৱাঁ ভাই, একে চোঁচাই
কেচুৱা কালটো এৰি;
কিয়নো মাজৰ ডেকা কালটো
সকলো কষ্টৰ গুৰি।
(৩)
নপৰে অন্ত ইমান খিনিতে
ভালকৈ লেখি যোৱাঁ।
পাৰানে নে নোৱাৰা ঠেলা সহিব
গমি-পিটিকি চোৱাঁ।
বিয়া কৰালেই সন্তান হব,
ইটোৰ পিচত সিটো;
বঢ়াই নিদিলে ধাৰৰ জোখ
তেতিয়া কৰিবা কিটো?