এই পৃষ্ঠাটোৰ বৈধকৰণ হৈছে
৩৬
ৰহঘৰা।
দুপৰ নিশা টোপনি এৰি
পুৰিব লাগে তেল;
সিমানতো দুষ্ট পৰীক্ষকবোৰে
কৰে পৰীক্ষাত “ফে’ল।”
(আকৌ) চুচৰি বাগৰি, বহু প্ৰবন্ধে
হলেও পৰীক্ষা ‘পাচ’;
খাটিব লাগিব কামৰ বাবে
ধৰি ডাঙৰৰ পাচ।
কাণত সোমালে, “ওপৰৱালাৰ”
সুমিষ্ট সম্ভাষণ;
দিনৌ দিনৌ গ্ৰহণ কৰি হে
ঘটিব পাৰি ধন।
এতেকে বুঢ়া হোৱাঁ ভাই, একে চোঁচাই
কেচুৱা কালটো এৰি;
কিয়নো মাজৰ ডেকা কালটো
সকলো কষ্টৰ গুৰি।
(২)
আছে আৰু শুনা ডেকা কালটোত
ইয়াতকৈ বিপদ বৰ,
পোনেই ধৰা ছোৱালী আনি
কৰিব লাগিব ঘৰ।
জয়জয়তে নতুন ঘৈণীৰ
ওৰণি-তলৰ হাঁহি;
