এই পৃষ্ঠাটোৰ বৈধকৰণ হৈছে
৩৩
মেধি তীৰ্থ লৈ যায়।
(১৯)
ডেকাই এনেতে লগালে মাত,—
“ভাতত সোমাই নাথাকে জাত,
জগন্নাথতে পাবা প্ৰমাণ
তৰ্কৰ সকাম নাই;
তাকে শিকিবলৈ তোমাৰ দৰে
মেধি তীৰ্থলৈ যায়।”
(২০)
“ৰাখিছা প্ৰাণ খাই ভাত,
তাত যাব নোৱাৰে জাত,
ভালৰ অৰ্থে কৰা কামৰ
কোনো পৰাচিত নাই”;
শুনি গুণি বেজাৰ মনেৰে
মেধি তীৰ্থলৈ যায়।
(২১)
তিন দিনৰ মূৰত জাহাজ গ’ল
পিচৰ ঘাটতে মেধি ৰ’ল;
পৰাচিত হবলৈ উজাই আহিল
কেৰেয়া নাও পাই;
শুনিলে মাজিয়ে— নাৱেৰে কিয়
মেধি তীৰ্থলৈ যায়।
