এই পৃষ্ঠাটোৰ বৈধকৰণ হৈছে
মেধি তীৰ্থ লৈ যায়।
(১৩)
ইয়াকে ভাবি মুখলৈ চাই,
ক’লে—“হেৰা মেধি-কাই,
ভালকৈ মই ভাত ৰন্ধাইছোঁ,
লোৱা এমুঠি খাই;
তেনেকৈয়ে হে আগে পিচে
মেধি তীৰ্থলৈ যায়।”
( ১৪ )
মনটো থকা দেখি মেধিৰ,
“বটলাৰেৰে” কৰি ফিকিৰ,
থোৱালে ডেকাই কোঠাত ভাত,
আৰু কোনোৱেই নাই;
তাকে খাই লৈ নতুন বলেৰে
মেধি তীৰ্থ লৈ যায়।
(১৫)
ক্ষন্তেক পিচত ‘বট্লাৰ’ আহি,
খুজিলে ধন হাঁহি হাঁহি;
দেখিয়েই মেধিৰ কঁপনি উঠিল
এইটো কলৈ যায়?
নাজানেনে ই ‘পুইণ’ কৰিবলৈ
মেধি তীৰ্থ লৈ যায়?
