এই পৃষ্ঠাটোৰ বৈধকৰণ হৈছে
৩০
ৰহঘৰা
(১০)
দুখনমান তামোল খোৱাৰ বেলি,
গৈছিল জাহাজ ঢৌবোৰ ঠেলি,
এনেতে বালিত সোমাই পৰিল,
অলপো লৰচৰ নাই;
সৰ্ব্বনাশ হল! এতিয়া কেনেকৈ
মেধি তীৰ্থলৈ যায়?
(১১)
তিন দিন জাহাজ তাতে ৰ’ল,
মেধি উঠিব নোৱৰা হ’ল;
বঙালে-কঙালে আছে ভৰি
মেধিয়ে কেনেকৈ খায়?
কলপকলপকৈ শুধ শৰীৰে
মেধি তীবলৈ যায়।
(১২)
জাহাজত এজন আছিল ডেকা
ভাবিলে মেধিয়ে পাইছে সেঁকা;
কিনো ছলেৰে একঠা ধৰাই
জীৱটো ৰখা যায়;
শুকাই মৰিলে তেতিয়া ক’ৰ
মেধি তীথ লৈ যায়?
