এই পৃষ্ঠাটোৰ বৈধকৰণ হৈছে
মেধি তীৰ্থলৈ যায়।
(১)
কলিয়াবৰত মেধিৰ ঘৰ,
নাম গোৱাত সুখ্যাতি বৰ,
কানীয়া-মেলত সবাৰো মাজত
মান ভাগটি পায়;
পুণ্য কৰিবৰ মনেৰে আজি
মেধি তীৰ্থলৈ যায়।
(২)
লেখি-বুজি মোনাত ভৰি,
ললে টকা আঢ়ৈ কুৰি,
ললে ভৰাই কানিৰ টেমাটো,
ওলাল মঙ্গল চাই;
গোটেই গাৱঁতে উঠিল ঢৌ;—
মেধি তীৰ্থলৈ যায়।
(৩)
ঘাটত মেধিয়ে উঠিল কৈ,
কি নো জাহাজ, কি নো চৈ,
কেইখন ব’ঠাৰে মাৰে ইয়াক,
কিমান বেগেৰে যায়!
ভাবি-চিন্তি লাহে-লাহে
মেধি তীৰ্থলৈ যায়।