এই পৃষ্ঠাটোৰ মুদ্ৰণ সংশোধন কৰা হৈছে
৯৬
ৰহঘৰা।
এতেকে তেওঁক বুজি ভৰাই,
হৰিধ্বনিৰে ব'লা ওলাই,
কিয়নো নতুন ঢলে আজি উটাব যেনি তেনি;
নাই ঠিক কোন যাব কলৈ, কোন উঠিব কেনি
কিন্তু আছে নেদেখা গোসাঁই,
ওপৰৰ পৰা আমাকে চাই,
তুলিব তেৱেই সকলোটিকে ভয়ৰ সকাম নাই;
ৰাখিব সদাই নিৰাপদে যদিও কিবাই পায়।
নতুন বছৰৰ নতুন কালত,
নতুন মিলন জাগিব প্ৰাণত,
সময়মতে এই হাটতে লাগিম আকৌ লগ;
ভ্ৰাতৃভাৱৰ দিওঁ মাথোন এতিয়া এটি ওলগ।