এই পৃষ্ঠাটোৰ বৈধকৰণ হৈছে
৮৯
শাস্ত্ৰৰ টোকা।
৩। বামুণ।
বামুণ পৰাশৰ ডুমুনীৰ স্বোৱামী
ব্যাস ডুমুনীৰ লৰা;
বেশ্যাৰ নন্দন সত্যকাম জাবালি
গায়ত্ৰী মুখস্থ কৰা।
শূদ্ৰৰ সন্তান লোমহৰষই
পালে ব্ৰাহ্মণৰ মান;
“দাস্যাঃ পুত্ৰঃ” নিষাদ কৱষে
লিখিলে বেদৰ গান।
১। দণ্ডবিধি।
শূদ্ৰৰ সৌভাগ্য দয়ালু বামুণে
মাৰিলে বুকত লাথি;
শূদিৰে বামুণক মাৰিম বুলিলে
ভৰি-হাত পেলাব কাটি।
⸺
২। বিবাহ বিধি।
আশী বছৰীয়া বৰলাই কৰিব
গৌৰীৰে নতুন ঘৰ;
স্বামী নৌ দেখোঁতেই কন্যা হলে বাঁৰী
নোৱাৰে লভিব বৰ।