পৃষ্ঠা:হৃদয়ৰ অৰণ্যত.pdf/৬৩

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

(8)

আমি মৌমাখি ফুলে ফুলে উৰি
 মৌ চুহি ফুৰা কাম
এধানি সাচিম  মৌচাক ৰচিম
 সঞ্চয়ৰ জয় গাম।
সাচিব জানিলে  নাটনিতে ৰাহি
 কড়িতে সিজিব কৰ্ম
যত মানে পায়  ততমানে খায়
 বুঢ়া বগলীৰ ধৰ্ম।
তিলে তিলে আমি  কৰি সঞ্চয়
 চহকী কৰিম জাতি
আজিৰ মুঠিত  কালিক বান্ধিম
 গঢ়িম দেশৰ ভেটি।
দেশৰ প্ৰগতি  নহয় সপোন
 সঞ্চয় সিদ্ধিৰ পথ
আমাৰ বলেৰে  হব গতিশীল
 মুক্তিৰ সোনালী ৰথ।

(৫)

কোন সৰগৰ দীপ্ত পোহৰে
পূবৰ পৃথিবী আলোকিত কৰে
জৰা মৰণৰ গণ্ডী চেৰাই জীৱন জ্যোৰ্তিময়।
সত্য শুদ্ধ জ্ঞান প্ৰবৃদ্ধ তুমি হে গৰিমাময়।

ত্যাগেৰে মচিলা ভোগৰ ক্লান্তি
জাগিল প্ৰাণত নিবিড় শান্তি
দলিত-পীড়িত আৰ্ত্তক দিলা আশ্বাস বৰাভয়
সত্য শুদ্ধ জ্ঞান প্ৰবুদ্ধ তুমি হে গৰিমাময়।

॥হৃদয়ৰ অৰণ্যত॥ ৫৯