এই পৃষ্ঠাটোৰ বৈধকৰণ হৈছে
(১)
তোৰ চৰণত দিওঁ বুলি আই
সুৰৰ শৰাই আনিছোঁ
শতেক বিঘিনি গছকি আহিলো
শত অপমান তুচ্চ কৰিলো
কলিজাৰ ৰঙা চন্দন সানি
সুৰভি কুসুম যাচিছোঁ।
মনৰ কৰণি ভৰা অনুভূতি
মোহিনী সূতাৰে গাথিছোঁ
নিজান দেউল মুখৰিত কৰি সক
সুবৰ লহৰ উঠিব উথলি
জগত সভালে’ নিওঁ বুলি তোক
সুৰ সমাৰোহ পাতিছোঁ।
(২)
স্নিগ্ধ জোনাকে এন্ধাৰ পৃথিবী
সিদিনা ঢৌৱাই দিলে
মাটিৰ বুকুত মানুহৰ বাবে
ত্ৰানকৰ্ত্তা উপজিলে
সেই জন্মৰে ধন্য আজি পচিশ ডিচেম্বৰ।
পূৱ আকাশত তৰাটি জিলিকে
আগমনী গীত গায় দেৱদূতে
পৰ্ব্বত ভৈয়াম জুৰি বাগৰিল
প্ৰেম কৰুণাৰ ঢল
মহাজীৱনৰ জন্মলগ্ন পচিশ ডিচেম্বৰ।
৷৷ হৃদয়ৰ অৰণত ৷৷৫৭
