পৃষ্ঠা:হৃদয়ৰ অৰণ্যত.pdf/৬

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে

আই

ৰ'দে পোৰা পৃথিবীৰ বিস্তীৰ্ণ প্ৰান্তত
মোৰ সঙ্কীৰ্ণ জীৱন সাঁকো
বহু উদ্বেগ আশঙ্কৰে চেতনা জৰ্জৰ
বহুতো মৃত্যুৰ সতে
অহৰহ যুজাৰ প্ৰস্তুতি;
আঠোটা প্ৰহৰে যদি ভুলতেও এটিবাৰ
আই, তোৰ নাম লোৱা নাই
ভুল নুবুজিবি মোক।
মোৰ দৃষ্টিৰ সিপাৰত।
সমুজ্জ্বল তোৰ ৰূপ
মোৰ নিশ্বাসত তোৰে দেহৰ সুৰভি
হৃদয়ৰ নীৰৱ বীণত
নৈশ্বদৰ হেজাৰ সুৰত
গঁথা আছে নাম যাৰ
সেয়া দেখো তয়ে আই, জনম দায়িনী।

১৯৭৭ চন।