এই পৃষ্ঠাটোৰ বৈধকৰণ হৈছে
ওজা : ও আই আন্ধাৰ কৰি আইচি। বৰষুণ আনিব। ধানখিনি
সোনকালে তুলক। মই কেৰাহিত মাছ বহাইচু এৰা
দিবা নৰু।
ডাইনাপালী : হবদে মই পাৰিম দে।
ওজা : শাহুৱেকে ডুকুলিত ধান ভৰাই মুৰত লৈ ঘৰৰ ভিতৰ
সোমাই মজিয়াত ধান থব খুজিছে এনেতে -
ডাইনাপালীঃ বোৱাৰী মাতা দিছে। আই উই আই চি আই উই আই
চি।
ওজা: বোৱাৰী ইংৰাজী ক’লে আই উই আই চি
ডাইনাপালীঃ ইতাও তুমি বুজা নাই।
ওজা : নাইতো।
ডাইনাপালী :ধান মজিয়াত থব ধৰাত বোৱাৰী শাহুক সতৰ্ক কৰিছে।
আই শাহুৱাইক সম্বোধন
উই অৰ্থাৎ মজিয়াত উই পোকৰ শাৰি
আইচি আহি আছে।
ওজা : ইয়াতে ধান থলে উই পোকে ধানবোৰ খাব নষ্ট কৰিব।
ডাইনাপালী :বুজি পাইচা না ওজা?
ওজা : এইটো ইংৰাজী শব্দই নহয়।
ডাইনাপালী : আগতে নহয় বুলি কিয় কব পৰা নাই৷
এই বিলাকে ডাইনাপালীৰ বুদ্ধি।
*** *** ***
হাহিৰ টোপোলা- ৬২