পৃষ্ঠা:সৰাপাত.pdf/১২

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
সৰাপাত


 

তোমাৰ অপেক্ষাত

মোৰ দুচকুৰে
চকুলো নিগৰে
এটি বোঁৱতি নদীৰ দৰে।
পাৰ ভাঙি আহিব খোজে
বেদনাৰে উপচি পৰা ঢোল
মোৰ নয়ন জুৰিৰ
স্বচ্ছ ঘাটেৰে।

তথাপিতো মই
তোমাৰেই অপেক্ষাত
ৰৈ আছো প্ৰেমৰ
কোনোবা মোহোনাত।
কিজানি তুমি আহি
সেই মোহোনাতেই
মাতাল হৈ
আকৌ বিলীন হোৱা
মোৰ নিসংগ হৃদয়ত।

   

প্ৰেমৰ পৃষ্ঠাবোৰ


 

এয়া চোৱাচোন—
মই প্ৰেমৰ পৃষ্ঠাবোৰ বিচাৰি
কেনেদৰে হাবাথুৰি খাইছোঁ....
তোমাৰ হয়তো হাঁহি উঠিছে
মোৰ এনে অৱস্থা দেখি।
সিদিনা তুমিয়েই চিঙি দিলা
মোৰ ৰঙীন প্ৰেমৰ পৃষ্ঠাবোৰ,
হয়তো ভাবিছিলা চাগে
পৃষ্ঠাবিহীন প্ৰেম মূল্যহীন।
কিন্তু তুমি জানো বুজা,
প্ৰকৃত প্ৰেমৰ অৰ্থ?
মই বুজো;
মোৰ প্ৰেম,
মোৰ ভালপোৱা
সদায় চিৰস্থায়ী।

পৃষ্ঠা/০৬