পৃষ্ঠা:স্বাৰ্থৰ সমাজ.pdf/১৩৬

১২৬

স্বাৰ্থৰ সমাজ ।

নাই নে কি?

প্ৰমীলা —

আমাৰ সমাজত ব্ৰহ্মচাৰ্য্যৰ বান্ধ সোলোক-ঢোলোক। বুঢ়াবিলাকে ব্ৰহ্মচাৰ্য্য শিকাওক চাৰি বুঢ়া বয়সতো নাতিনী যুৰীয়া একোজনী পালে বিয়া কৰাইহে। মাত্ৰ বিধবাৰ বেলিকা হলে পুনৰ বিয়া হব নেপায়। শাস্ত্ৰত মত নাই : সমাজতো চলা নাই। কোনো এজনে যত্ন কৰিলেও ইতিকিং কৰি সমাজৰ পৰা এঘৰীয়া কৰে। আজি মোৰো সেই সমাজৰ দোষতে এনে দশা সেই বাবেই মই নৈত জাপ দি মৰিব খুজিছিলো। আপুনি মোক কিয় বচালে।

সন্যাসী—

তুমি মৰিব নেলাগে। বিধবা বিবাহৰ শাস্ত্ৰত মত থকা স্বত্ত্বেও বিপক্ষতা কৰিলে তোমাৰ নিচিনা বাল বিধবাৰ চকুৰ পানীয়ে সমাজক চাৰ-খাৰ কৰিব। ( স্বগতঃ ) হে সমাজ তোমালোকে আত্মমুখী ভন্দ পণ্ডিতৰ মতামত ওপৰত নিৰ্ভৰ নকৰি নিজৰ সমাজৰ উন্নতিৰ যত্ন কৰা। বাল্য বিধবাৰ চকুৰ পানী গুচুৱা ( ফুটাই ) আই, সমাজত বিধৱা বিবাহ চলোৱা বৰ টান যদিহে কোনোবাই সমাজ ভক্ত স্বাৰ্থপৰ ব্ৰাহ্মণ সকলক উপেক্ষা কৰি সমাজ সংস্কাৰত ব্ৰতী হলে তেতিয়া হব পাৰে। আই মই তোমাক অনেক কথা কলো বেজাৰ নকৰিবা। মই সন্যাসী মোৰ পৰা তোমাৰ সমাজৰ একো উপকাৰ নহয়। তুমি মোৰ আশ্ৰমতে দুদিন মান থাকা, তাৰ