এই পৃষ্ঠাটোৰ বৈধকৰণ হৈছে
৮৯
নাৰী পৰ্ব্ব।
এহি বুলি কৃষ্ণে পাছে মায়া বিস্তাৰিল।
গান্ধাৰীৰ মনক তেখনে সন্তোষিলা॥
অনন্তৰে পৰম পুৰুষ নাৰায়ণ।
ধৃতৰাষ্ট্ৰ নৃপতিক বুলিলা বচন॥
সমস্তৰে প্ৰেত কাৰ্য্য কৰিবাক লাগে।
যাৰ যেন মৰণ মিলিল কৰ্ম্ম ভাগে॥
শুনা সৰ্ব্বজন ইতো পদ ভাৰতৰ।
আত পৰে লাভ আৰু নাহি মানুষৰ॥
বৈষ্ণৱত কৰি শ্ৰেষ্ঠ নাহি সংসাৰত।
তাহাৰ প্ৰমান ছোৱা পাণ্ডৱ সৱত॥
যেন মাৱে তনয়ক ৰাখয় আৱৰি।
শঙ্কতত তাহাক ৰাখিলা দেৱ হৰি॥
হেন জানি বিষ্ণু বৈষ্ণৱত দিয়া ৰতি।
ৰাম ৰাম বুলি তৰা সংসাৰ দুৰ্গতি॥
