এই পৃষ্ঠাটোৰ বৈধকৰণ হৈছে
৬৯
স্তুতিমালা
জগদ্ধাত্ৰী স্তুতি।
আধাৰ অধেয় তুমি বিশ্বজগতৰ
ধৃতিৰূপ তুমি ধৰা;
জগতধাৰিণী দেবী অচলাস্বৰূপা
জগতৰো ভাৰ হৰা।
সবাকাৰে দেবী তুমি শক্তিস্বৰূপিণী
শক্তিৰূপ আছা ধৰি;
শাক্তাচাৰপ্ৰিয়া তুমি শাক্তৰ পূজিতা
সেৱা কৰোঁ তযু পাৱে পৰি।
ভকতৰ জয়দাত্ৰী আনন্দৰূপিণী
দেবাসুৰ নৰপ্ৰপূজিতা;
জয় জয় জগদ্ধাত্ৰী জগতব্যাপিনী
জয় জয় জগতৰ মাতা।
অনু পৰমানু তুমি স্থূলসূক্ষ্মৰূপা
প্ৰাণাপান তুমি পঞ্চবায়ু;
কালাকাল সৰ্ব্বৰূপ বৰপ্ৰদায়িনী
জীৱ মাত্ৰে তুমি পৰমায়ু।
মহেশ্বৰী বৰাঙ্গনে আদ্যা মহামায়া
দয়াৰূপা দুঃখবিমোচনী;
তোমাৰ চৰণে আই শৰণ পশিলোঁ
ৰক্ষা কৰা শক্তি সনাতনী।
————০—————