এই পৃষ্ঠাটোৰ বৈধকৰণ হৈছে
৬৮
স্তুতিমালা
অক্ষৰ ব্ৰহ্মস্তোত্ৰ।
চক্ষুৰাদি ইন্দ্ৰিয়ৰ অগোচৰ তুমি ,
তুমি দেব নিৰ্গুণ অক্ষৰ;
ধ্যানৰ অগম্য তুমি আকাৰবিহীন
পৰমাত্মা অব্যক্ত ঈশ্বৰ।
নিৰ্লিপ্ত পৰমব্ৰহ্ম সত্য সনাতন
আদিদেৱ জগতকাৰণ;
স্থূল হস্তে স্থূলতৰ অতি সূক্ষ্মৰূপী
স্থূল দৃষ্টি নাপায় দৰ্শন।
স-গুণ শৰীৰী তুমি গুণৰো আকৰ
প্ৰকৃতিত তোমাৰ বিকাশ;
ইচ্ছাময় তুমি দেৱ সৰ্ব্বৰূপ ধৰা
নানাৰূপে কৰিছা প্ৰকাশ।
যোগী ঋষি মুনীন্দ্ৰেও ধ্যানযোগ কৰি
পোৱা নাই মহিমাৰ অন্ত;
তুমি দেৱ কৃপাময় ময় তযু দাস
জানি কৃপা কৰা ভগৱন্ত।
———০———