এই পৃষ্ঠাটোৰ বৈধকৰণ হৈছে
৬৫
স্ততিমালা
নমাে নমো পমাত্মা ব্ৰহ্মৰ স্বৰূপ
তুমি হন্তে ব্ৰহ্মদৰশন ;
জনমমৰাৰ দুঃখহৰণৰ হেতু
দিয়া প্রভু সমূল নির্ব্বাণ ।
———০———
ভক্ত-স্তুতি ৷
শুদ্ধচিত্ত ভয়হীন ইন্দ্রিয়সংযমী
জ্ঞানযােগে সদা নিষ্ঠাবান;
নিষ্কাম ভাৱত কৰে বেদকৰ্ম্ম যত
সৰ্ব্বভূতে অতি দয়াবান।
সৰল কোমল মন শান্ত সত্যবাদী
ক্ষমাশীল পবিত্ৰ অন্তৰ;
লােভহিংসাশূন্য মন ধীৰ অচঞ্চল
পৰশ্ৰীত নহয় কাতৰ।
মই পূজ্য ভাব নাই দম্ভক্রোধহীন
বিষয়ত অনাসক্ত মন ;
ঈশ্বৰভকত জানি নমস্কাৰ কৰি
তযু পদে পশিলোঁ শৰণ।
———০———