এই পৃষ্ঠাটোৰ বৈধকৰণ হৈছে
সূৰ্য্য স্তোত্ৰ।
আদি দেৱ দিবাকৰ কাশ্যপকুমাৰ
উগ্ৰ মূৰ্ত্তি শ্বেত পদ্মধৰ;
শোভন সপ্তাশ্বৰথে অতি দীপ্তিমান
প্ৰণামোহে প্ৰভু প্ৰভাকৰ।
লোহিত বৰণ দেৱ জ্যোতিৰ্ম্ময় ৰূপ
অন্ধকাৰ কৰা বিনাশন;
মহাতেজে দীপ্তিমন্ত অনন্ত শকতি
জীৱশক্তি তোমাৰ কিৰণ।
বিবৰ্ত্তন বিবশ্বান মাৰ্তণ্ড ভাস্কৰ
তুমি দেৱ তাপন তপন;
গ্ৰহৰ ঈশ্বৰ তুমি ৰোগশোক হৰা
নমো দেৱ সূৰ্য্য ভগবান।
———০———
পৰমাত্মা স্তোত্ৰ।
অন্তৱন্ত ইতো দেহা পৰম নশ্বৰ
আজি আছে কালি পৰি যাই;
আত্মা নিত্য অবিনাশ অজৰ অমৰ
পৰিচ্ছেদ একো তাৰ নাই।
পুৰণি বসন লোকে পৰিত্যাগ কৰি
পিন্ধে যেনে নতুন বসন;
