এই পৃষ্ঠাটোৰ বৈধকৰণ হৈছে
অভাজনৰ স্তুতি।
তােমাৰ মহিমা অশেষ অপাৰ
নজানিয়া তাৰ অন্ত;
স্তুতি কৰিবাৰ যদি যােগ্য নোহোঁ
এই সাৰ ভগৱন্ত।
ব্রহ্মা আদি দেৱে নপাৱন্ত কেৱে
তােমাৰ মহিমাপাৰ;
তেৱে জানাে মই তাসম্বাৰো নাই
স্তুতি-কৰা অধিকাৰ।
নিজ বুদ্ধি মতে স্তুতি কৰে সবে।
হেন জানি দয়া কৰা;
বুদ্ধি অনুসৰি ময়ো স্তুতি কৰোঁ
চৰণে চপাই ধৰা।
বাক্যৰো অতীত মনৰো অতীত
বেদেও বিচাৰি চাই;
অব্যক্ত ঈশ্বৰ ব্যক্ত নানাৰূপে
অতি সাৱধানে কয়।
সুৰাসুৰনৰে বুদ্ধি অনুসাৰে
পূজে নানা ৰূপ কৰি;
ভক্তৰ কাৰণে তুমি ভগৱন্ত
আছা নানা ৰূপ ধৰি।