এই পৃষ্ঠাটোৰ বৈধকৰণ হৈছে
৫৭
স্তুতিমালা
বেদকৰ্ম্ম বিনে কৰ্ম্মৰ বন্ধন।
নােৱাৰা এৰাইবে জানি;
আন কৰ্ম্ম এৰি বেদকৰ্ম্ম কৰা
গীতাৰ বচন মানি।
কৰ্ম আৰু ত্যাগ দুই পন্থ মাত্র
মােক্ষৰে দুয়াে সাধন;
তথাপিও জানা কৰ্ম্ম শ্রেষ্ঠতৰ
গীতাৰ সাৰ বচন।
হিংসাশূন্য মন ফলাকাঙ্ক্ষা নাই
সন্ন্যাসৰ সেয়ে চিন;
সংসাৰত থাকি পৰম আনন্দ
বিষয়-বন্ধনহীন।
পুত্ৰদাৰ আদি আশে যত কৰ্ম্ম
কাম্য কৰ্ম্ম বুলি জানি;
কাম্যকৰ্ম্মন্যাস আচল সন্ন্যাস
ফলত্যাগ শ্রেষ্ঠ মানি;
অন্তৰ আত্মাত ঈশ্বৰক চিন্তি
বাহিৰত কৰ্ম্ম কৰে
সেয়ে জ্ঞানবান পুৰুষ প্রধান
কর্ম্মযােগী নাম ধৰে।
কর্ম্মযােগী প্রভু নমস্কাৰ কৰোঁ
হৌক মােৰ কৰ্ম্মজ্ঞান;