পৃষ্ঠা:স্তুতি মালা.pdf/৬৪

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৫০
স্তুতিমালা
 

প্ৰিয়ত আবেগ নাই অপ্ৰিয় সমান
 শোকদুখত শূন্য যাৰ মন;
শুভাশুভ পৰিত্যাগি সদা ভক্তিমান
 নাই ভক্ত তাহান সমান।
শত্ৰু মিত্ৰ সম জ্ঞান নাই ভিন ভাৱ
 শীত উষ্ণ মান অপমান;
সকলো সমান যাৰ নাই সুখ দুখ
 তেৱেঁ ভক্ত কৃষ্ণৰ বচন।
নিন্দা স্তুতি দুয়ো এক সংযত বচন
 অলপতে তুষ্ট হয় মন;
নিৰ্দিষ্ট আবাস নাই তেৱেঁই নিশ্চয়
 কৃষ্ণপ্ৰিয় ভকত সুজন।
অমৃত সমান এই গীতাৰ বচন
 শ্ৰদ্ধা কৰি যি কৰে পালন;
পৰম ভকত তেওঁ ঈশ্বৰ সমান
 সেৱা কৰোঁ তাহন চৰণ॥

——০——

গঙ্গা স্তুতি।

দেবী সুৰেশ্বৰী ভগৱতী গঙ্গে,
পাপবিনাশিনী তৰল তৰঙ্গে।