এই পৃষ্ঠাটোৰ বৈধকৰণ হৈছে
৪৭
স্তুতিমালা
পৰ্ব্বতৰ হিয়া কঠিন পাশান
গলি নিঝৰণি হয়;
সুৰতে উথলে সমুদ্ৰৰো হিয়া
ঘুৰি শুনে গ্ৰহ চয়।
গোকুল আকুল শুনি বংশীধ্বনি
গোপীৰ আকুল প্ৰাণ;
দেৱ যক্ষ ৰক্ষ গন্ধৰ্ব্ব কিন্নৰ
শুনি কৰে স্তুতিগান।
মুক্তিবিধায়িনী বিশ্ববিজয়িনী
অনন্ত প্ৰেমৰ খনি;
বেদ মন্ত্ৰ আদি গায়ত্ৰী ওঁঙ্কাৰ
তোমাৰে বংশীৰ ধ্বনি।
তুমি দেৱ দেৱ জগতৰ সেৱ
তুমি অনাথৰ নাথ;
পতিত পাবন মই অভাজন
চৰণে দোৱাওঁ মাথ।
———০———
