এই পৃষ্ঠাটোৰ বৈধকৰণ হৈছে
৩৭
স্তুতিমালা
তুমিও সিদৰে মৰষিও দেৱ
মোৰ অপৰাধ যত॥
——o——
বিশ্বৰূপ বন্দন।
তযু দেহে দেখোঁ প্ৰভু বিশ্বৰ স্বৰূপ
আছে ব্ৰহ্মা তোমাৰ নাভিত;
দিব্য ঋষী যত মান সৰ্প আদি জীৱ
তোমাতেই দেখোঁ প্ৰকাশিত।
বিশ্বেশ্বৰ বিশ্বৰূপ অনন্ত অপাৰ
আদি অন্ত মধ্য তাৰ নাই;
নেত্ৰ-মুখ-উদৰৰ সীমা সংখ্যা হীন
তোমাতেই দেখোঁ সৰ্ব্ব ঠাই।
গদাচক্ৰ হাতে ধৰা কিৰীটি শীত
দীপ্তি কৰি আছে চাৰি পাশ;
তেজে অগ্নি সূৰ্য্য প্ৰায় চোৱা অসম্ভৱ
এইমতে তোমাৰ প্ৰকাশ।
অক্ষৰ পৰম ব্ৰহ্ম বিশ্বৰ আশ্ৰয়
মুমুক্ষুৱে পায় দৰশন;
অব্যয় পুৰুষ তুমি ধৰ্ম্মৰ ৰক্ষক
তুমি দেৱ নিত্য সনাতন।
আদি অন্ত মধ্য হীন সৰ্ব্বশক্তিময়
দুই চক্ষু সূৰ্য্য শশধৰ;