এই পৃষ্ঠাটোৰ বৈধকৰণ হৈছে
৩১
স্তুতিমালা
দিয়া সজ জ্ঞান কৰা পৰিত্ৰাণ
দাসত্ব কৰা মোচন;
দোষ পৰিহৰি অন্নপূৰ্ণেশ্বৰী
স্বৰাজ কৰাহে দান।
কৈলাশ অচল মনোহৰ স্থল
যোগীৰ যোগৰ ঠাই;
শিৱ সঙ্গে ফুৰি কৌমাৰী শঙ্কৰী
মুক্তিক আছা বিলাই।
দিয়া সজ জ্ঞান কৰা পৰিত্ৰাণ ইত্যাদি...॥
দৃশ্যাদৃশ্য যত বস্তু শত শত
তোমাতে প্ৰকাশ পায়;
জ্ঞান বা বিজ্ঞান অচিন্ত্য মহান
তুমি বিনে একো নাই।
দিয়া সজ জ্ঞান কৰা পৰিত্ৰাণ ইত্যাদি...॥
জগত ঈশ্বৰী কৃপাৰ সাগৰী
কৃপা কৰা শিৱজায়;
মোক্ষবিধায়িনী ত্ৰিতাপনাশিনী
দূৰ কৰা মোহ মায়া।
দিয়া সজ জ্ঞান কৰা পৰিত্ৰাণ ইত্যাদি...॥
সৰ্বানন্দকৰী সদা শুভকৰী
কাশীপুৰ অধীশ্বৰী;