এই পৃষ্ঠাটোৰ বৈধকৰণ হৈছে
১৭
স্তুতিমালা
লােৱা মুখে হৰিনাম সহস্রেক বাৰ,
শ্রীপতিৰ ৰূপধ্যান হৃদে কৰা সাৰ।
সৎ সঙ্গ লােৱা মন থিৰ কৰা তাতে,
দুখীয়াক দান কৰা দুখ গুচে যাতে ॥
হেন জানি গােবিপদে কৰা ৰতি...॥
জীৱটি নেয় মানে দেহটিক ধৰি,
লয় সকলােৱে তাৰ কুশল বাতৰি।
জীৱশূন্য দেহা দেখি ভাৰ্য্যা আদি কৰি,
নাচাপে ওচৰ কেও মৰণক ডৰি॥
হেন জানি গোবিন্দপদে কৰা ৰতি...॥
মনৰ সুখত কৰে ৰমণী সম্ভোগ,
ফলত প্রবেশ কৰে শৰীৰত ৰােগ।
যদিও নিতৌ লােক যাতনাত মৰে,
তথাপিও জানি শুনি পাপকে আচৰে॥
হেন জানি গোবিন্দপদে কৰা ৰতি...॥
ফটা কানি আনি আনি কঁঠা কৰি লােৱা,
পাপপুণ্যশূন্য ইটো বাট ধৰি যােৱা।
তুমি নাই তেওঁ নাই নাই এই লােক,
এই সত্য জানি শুনি নকৰিবা শােক॥
হেন জানি গােবিন্দপদে কৰা ৰতি,
গােবিন্দ গােবিন্দ ভজা মূঢ়মতি।
২
২
