এই পৃষ্ঠাটোৰ বৈধকৰণ হৈছে
১২
স্তুতিমালা
ৰাজা মহাৰাজা ৰাজ চক্ৰবৰ্ত্তী
পাদ সেৱা কৰে যাৰ
গুৰুপাদপদ্মে ভক্তি যদি নাই
বিফল জনম তাৰ॥
দাতাকৰ্ণ সম দানৰ প্ৰভাৱ
অতুল সম্পদ যাৰ।
গুৰুৰ চৰণে ভক্তি বিনে জানা
বিফল জনম তাৰ॥
ঐশ্বৰ্য্য সম্পদ পত্নীৰো সম্ভোগ
অনাসক্ত মন যাৰ ৷
গুৰুপাদপদ্মে ভক্তি যাৰ নাই
বিফল জনম তাৰ॥
—————
ব্ৰহ্ম স্তুতি।
জীৱৰ আশ্ৰয় হেতু মোক্ষৰো তুমিসে সেতু
তুমি প্ৰভু বিশ্ব চৰাচৰ;
জ্ঞানময় সত্যৰূপ তুমি প্ৰভু জগভূপ
তোমাকেই কৰোঁ নমস্কাৰ।
তুমি বিনে নাই আন তুমি ব্ৰহ্ম তুমি প্ৰাণ
ব্যাপি আছা বিশ্ব চৰাচৰ;