এই পৃষ্ঠাটোৰ বৈধকৰণ হৈছে
১১
স্তুতিমালা
লোকেশ্বৰ লক্ষ্মীপ্ৰিয় লীলাময় হৰি।
তৰুণ শৰণ মাগে লয়ো দাস কৰি॥
———০———
সুন্দৰ সুৰূপ নীৰোগ শৰীৰ
যশস্যাৰ নাই পাৰ।
গুৰুপাদপদ্মে যদি ভক্তি নাই
বিফল জনম তাৰ॥
পুত্ৰ দাৰা ধন বান্ধৱ স্বজন
সবেও আছয় যাৰ।
গুৰুপাদপদ্মে ভক্তিহীন যদি
বিফল জনম তাৰ॥
বেদ শাস্ত্ৰ আদি গদ্য পদ্য মানে
সদায় কণ্ঠত যাৰ।
গুৰুপাদপদ্মে ভক্তিশূন্য ভৈলে
বিফল জনম তাৰ॥
স্বদেশে বিদেশে গণ্যমান্য সদা
আচাৰো পবিত্ৰ যাৰ।
গুৰুপাদপদ্মে ভক্তিহীন ভৈলে
বিফল জনম তাৰ॥
