এই পৃষ্ঠাটোৰ বৈধকৰণ হৈছে
৫
স্তুতিমালা
শুকদেৱে ৰচা ইতো শ্ৰীমধুসূদন স্তুতি
ভণো ময় কিঙ্কৰ তৰুণ;
প্ৰভু তুমি আশুতোষ বঢ়া টুটা শত দোষ
ক্ষমিয়োক শ্ৰীমধুসূদন॥
————
গুৰু স্তুতি ৷
অখণ্ড মণ্ডলাকাৰ ব্যাপি আছে চৰাচৰ
আদি অন্ত মাজ নাই যাৰ;
অব্যক্ত ঈশ্বৰ ৰূপ সাক্ষাৎ কৰায় যেয়ে
সেই গুৰুপদে নমস্কাৰ।
অজ্ঞান আন্ধাৰে যেবে দৃষ্টি ৰোধ কৰি ৰাখে
নাই শক্তি তত্ত্ব দেখিবাৰ;
জ্ঞানৰ পোহৰ দিয়া স্বৰূপ দেখায় যেয়ে
সেই গুৰুপদে নমস্কাৰ।
নমো নমো গুৰুদেৱ ঈশ্বৰ স্বৰূপে প্ৰভু
যাৰ বাক্য অমৃত সমান;
যাক পিয়া মূঢ় নৰে সংসাৰ সাগৰ তৰে
সেই গুৰুপদে নমস্কাৰ।
নমো গুৰু কৃপাময় কৃপাৰ সাগৰ তুমি
তুমি দেৱ জ্ঞানৰ মূৰতি;
তোমাৰ চৰণপদ্মে ভক্তি যেন থাকে সদা
কৰোঁ প্ৰভু কাতৰে মিনতি।
