পৃষ্ঠা:সাহিত্য-সংগ্ৰহ বোধিনী.pdf/৬৫

ৱিকিউৎসৰ পৰা
এই পৃষ্ঠাটোৰ মুদ্ৰণ সংশোধন কৰা হৈছে
১২
সাহিত্য সংগ্ৰহৰ চমু টোকা ।


গুণি=ভাবি, চিন্তি। ভক্ষ =যাক খায়। ভক্ষক= যি খায়,খাওঁতা। কৈত=ক'ত। ক্ৰুৰ= নিষ্ঠুৰ, দয়াহীন। দন্দুৰ =দন্দ্ কৰা স্বভাবৰ। বিত=ধন। অনেক পুৰুষী=কেবাপুৰুষৰৰ পৰা চলি অহা। তোৰ আগে কোন=তোৰ তুলনাত অতি ক্ষুদ্ৰ। সুবিদিত=ভালকৈ জনা। কুটুম্বিতা= বন্ধুত্ব। বৈৰ ভাব=শত্ৰুতা। কিসক=কেনেকৈ,কি কাৰণে। ব্ৰহ্মচৰ্য্য= ইন্দ্ৰিয় সংযম কৰি পঢ়ি থকা অৱস্থা। শিৰ=মূৰ। হত=নাশ,হত্যা। সঞ্চে=সাঁচে,আৰ্জে। বঞ্চে=বাসকৰে, থাকে। সঞ্জাত=বিশ্বাস, প্ৰতায়। সুপ্ৰসন্ন বিধি=ঈশ্বৰ সন্তুষ্ট। মনোৰথ = মনৰ কামনা, ইচ্ছা। আউৰ কৈক. যাস= আৰু ক'লৈ যাৱ, ( আৰু ক’ত যাবি?) ঝাণ্টে=বেগেতে, শীঘ্ৰে। ঊত্ৰাৱল = আকুল। তপসাই =তপস্যা কৰি। বিলম্ব =পলম। দাঁতে =দাঁতেৰে (৩য়া )! বাজহুৱা= বাহিৰ হই। সেৱলি =সেৱা,নমাৰ। গলাগলি = গণত ধৰাধৰি ( চেনেহেৰে )।গত্ত=গাত। সুপ্ৰভাত=সুখ সৌভাগ্যৰ দিন। লটপট = মুখৰ ভিতৰত জিভা লৰোৱা।

পৰিহাস = ধেমালি, ঠাট্টা। ছিদ্ৰ – ছেগ, সুচল (বিন্ধা, বাট )। হাসিবে= হাঁহিব, নিন্দা কৰিব। ছিন্দিলেক = ছিঙিলে। লীলা = ৰংধেমালি। সহজ অৰ্থঃ- (১) যিটো দুইৰ হোৱে তুল্য..... সুবিদিত। যি দুজনৰ বল বুদ্ধি ধন সমান হয়, সিহঁতৰ ভিতৰতহে মিত্ৰতা স্থাপন কৰা উচিত বুলি সকলোৱে ভালদৰে জানে। (২) নাযাহা সঞ্জাত •পুত্ৰ শিৰ। যদি মোৰ কথা বিশ্বাস নকৰা, তেন্তে মই মোৰ পুত্ৰৰ মুৰক ধৰি শপথ খাওঁ। (৩) ঝাণ্টে কাটা... ..প্ৰাণ মিত্ৰ। হে মোৰ প্ৰাণৰ বন্ধু, তুমি শীঘ্ৰে জপাটো কাটি দিয়া, মই বাহিৰ হওঁ। নীতিঃ-দুৰ্জ্জনৰ মিঠা কথাত ভোল গৈ তাৰ লগত মিত্ৰতা পাতিলে সাপৰ হাতত এন্দুৰৰ যেনে দশা হৈছিল আমাৰো তেনে দশা হব পাৰে। এতেকে তেনে জনৰ লগত মিতিৰালি নাপাতিবা।