এই পৃষ্ঠাটোৰ মুদ্ৰণ সংশোধন কৰা হৈছে
নিবেদন।
সাধুলোকৰ চৰিত্ৰ পাঠেই সৎসঙ্গ। সৎসঙ্গই জীৱনত সুখ শান্তি দিয়ে। ৺বুদবাম মহন্ত অধিকাৰদেৱ এজনা বিশিষ্ট সাধু পুৰুষ ৷ তেখেতৰ জীৱনৰ ঘটনাৱলী পাঠ কৰিলে সৎসঙ্গ পোৱা যেন লাগে। সেই কাৰণে তেখেতৰ, চৰিতখনি সঙ্কলন কৰি ৰাইজৰ ওচৰত নিবেদন কৰা হল। শুৱালকুছি গাওঁৰ পণ্ডিত ৺মায়াৰাম মহন্তদেৱৰ মুখত ৺বুদৰাম মহন্তদেৱৰ বিষয় জনা গৈছিল। লগতে উক্ত গাওঁৰ অনেক বুঢ়া বুঢ়া লোকৰপৰাও বহু কথা পোৱা গৈছিল। ৺সোনাৰাম ৰাজমেধী উকীলদেৱৰ পৰাও ছুই চাৰিটা কথা শুন! গৈছিল। এই সৰু পুথিখনি লেখাত এই সকলো কথাই বিশেষ সহায়তা কৰাব বাবে তেখেতসকলৰ ওচৰত কৃতজ্ঞতা প্রকাশ কৰা হল।
চৰিত্রখনি সঙ্কলন কৰাত বহুত বঢ়া-টুটা হব পাৰে। তাৰ বাবে যেন ৰাইজে নিজগুণে ক্ষমা কৰে। এয়ে ৰাইজৰ ওচৰত আমাৰ সৰল গোহাৰি |
১লা মাঘ ১৮৬০ শঁক |
শ্ৰীহৰমোহন |
