এই পৃষ্ঠাটোৰ মুদ্ৰণ সংশোধন কৰা হৈছে
অপত্য মেহৰ ভাবে নিতে ভটীয়াই।
বহুদূৰ, বহুদুৰ, মন ওভতাই।
কাল নাই ভাবিবৰ পূৰ্ব্বৰ কাহিনী।
আছাঁ প্ৰিয়া, অৰ্দ্ধাঙ্গিনী, সহধৰমিনী
জীৱনে মৰণে মোৰ ধ্যান-সহচৰী।
এয়ে এবে সম্পূৰ্ণ সংসাৰ। নাই আৰু
জীৱনৰ সুখ-দুখ, বিষয়-বাসনা
সকলো পৰিল জঁয় সামৰণমুখে।
হব তাৰ মুক্তি এবে, নাই বহুদিন।
জৰা-মৃত্যু অতিক্ৰমি, লভো কিনোমতে
অনন্ত আত্মাৰ সতে আত্মাৰ মিলন,
সেই চিন্তা, সেই ধ্যান, সেই লক্ষ্য ধৰি,
অন্তিম কালত প্ৰিয়া, তৰোঁ আহাঁ আমি।
আহাঁ যাওঁ, বহোঁগই সিপাৰে ধ্যানত। (প্ৰস্থান।)
তৃতীয় গৰ্ভাঙ্ক।
—∞¤¤⟨⟩¤¤∞—
(চুহুম্মুং স্বৰ্গদেৱ আৰু কনচেং বৰপাত্ৰ ডাঙ্গৰীয়া!)
কনচেং |— নাজানে কি ৰাজনীতি
চুটীয়া ৰজাই? অধিকাৰ চৰ্চ্চাৰ
এক অপৰাধ নহওঁতে সুবিচাৰ,