এই পৃষ্ঠাটোৰ বৈধকৰণ হৈছে
শান্তি৷- শান্তি নাম ধৰিলোঁ মিছাই !
সাধনী৷ -কিয় সখী ?
শান্তি৷- প্রয়োজন শান্তি য’ত,
পৰা নাই দিব তাত লেশমাত্র তাৰ,—
শান্তি-সুধা সখীয়াৰ বুজনি সুৰত।
দিনকে মলিন দেখিছোঁ মুখানি তৱ
কিবা আবেগত, নুফুটে হিয়াৰ ভাব
অধৰ পাহিত,--বিৰিঙ্গি উঠিছে মাথোঁ।
মুখ-দাপোনত।
সাধনী ৷—সৰ্ব্বজান সখী তুমি,—
হাঁহিমুখে মন ছলি, প্ৰৱেশি অত্বৰ,
চুৰ কৰাঁ মনােভাব ভাবুক জনৰ।
বাকী নাই বুজিবৰ মনােভাব মোৰ।
কিন্তু সখি ! কিনাে ক’ম, আপুনি বুজিব
নােৱাৰোঁ আপােন ভাব। কি দিম উত্তৰ!
