এই পৃষ্ঠাটোৰ বৈধকৰণ হৈছে
সতীৰ তেজ
প্ৰথম অঙ্ক।
গদাপাণিৰ ঘৰৰ আগচোতাল। ওচৰতে এজোপা গুটি-লগা আম।
ঘৰৰ দুৱাৰ মুকলি। সময় আবেলি। লাই, লেচাই
আৰু তেওঁলোকৰ লগৰীয়া লৰাবিলাকে গীত গায়।
প্ৰত্যেকৰ হাতত ধেনু-কাঁড়।
গীত।
আকাশত হাঁহিছে সোণালী সূৰুযে
পৃথিবীত হাঁহিছে ফুল।
তাৰ মাজে মাজে পখিলা উৰিছে,
পাখিতে সুগন্ধি বোল।
আমৰে ডালতে কলীয়া কুলিয়ে
কু-উ-কু কু-উ-কু গায়।
সৰগৰ অমিয়া মৰতত সিঁচিছে,
ৰিব্ ৰিব্ মলয়া বাই।
