এই পৃষ্ঠাটোৰ বৈধকৰণ হৈছে
৪৪৪
সটীক নামঘোষা
মোৰ প্ৰভু ৰাম নাৰায়ণ
অভয় চৰণ পাই পশিলোঁ শৰণ ॥৭৭৭
কমলাকান্ত-লক্ষ্মীপতি, ভগৱান।
অনাদি অনন্ত হৰি এ জীৱন বন্ধু
ৰাম কৃষ্ণ কৰুণা সাগৰ
অনাথৰ নাথ দয়াশীল দামোদৰ॥৭৭৮
জীৱনবন্ধু-প্ৰাণবন্ধু, প্ৰিয়তম।
কৰুণা সাগৰ-দয়াময়।
পৰম পুৰুষ হৰি এ পৰমানন্দ
পৰম কাৰণ নাৰায়ণ।
ভকতৰ ধন তযু অৰুণ চৰণ।
অনন্ত অচ্যুত সদাশিৱ সনাতন॥ ৭৭৯
পৰম কাৰণ-আদি কাৰণ, জগতৰ যি মূল।
অৰুণ চৰণ−ৰঙা পদ, ভগৱানৰ দুই পদ ৰঙা বুলি কল্পনা কৰা হয়।
জয়তি জগত গুৰু এ গুণৰ নিধি
নিত্য নিৰঞ্জন নিৰাকাৰ
তোমাৰ চৰণে সদা শৰণ আমাৰ॥৭৮০
জয়তি-জয়যুক্ত।
দৈৱকী নন্দন প্ৰভু এ পৰম গুৰু
দয়াশীল দেৱ নিৰঞ্জন
