এই পৃষ্ঠাটোৰ বৈধকৰণ হৈছে
৩৩৬
সটীক নামঘোষা
স্বৰূপ হৰি, তুমি অনাথৰ নাথ আৰু ভকতৰ সংসাৰ ভয় নাশ কৰোঁতা। তোমাত মই একান্তে শৰণ ললোঁ, মোক আশ্ৰয় দিয়া।
প্ৰশংসা
[ ৫৪৯ ]
শ্ৰীৰাম নামে ৰতি মিলিল যাহাৰ।
সিটো ভগ্যৱন্তে পাইলে সংসাৰৰ পাৰ॥
যি লোক ভগৱানৰ নামক ভালপোৱা হয় আৰু সদায় তেওঁৰ নাম লৈ থাকে, সেই লোকেই ভাগ্যৱান—তেওঁ সংসাৰ-সাগৰ পাৰ হোৱাৰদৰে হল অৰ্থাৎ তেওঁ জন্ম-মৃত্যুৰ হাত সাৰিল।
[ ৫৫০ ]
হৰি গুণ ভকতৰ কৰ্ণৰ ভূষণ।
যিটো সদা বোলে নাম সি সি মহাজন॥
হৰি-গুণ-নাম শ্ৰৱণ ভক্তৰ কাণৰ অলঙ্কাৰ স্বৰূপ; অৰ্থাৎ ভক্তে ভৱানৰ নাম-গুণ শুনিবলৈ ভাল পায়; ইয়াকে জানি যি লোকে সদায় ভগৱানৰ নাম লয়, সেই লোকেই সাধুলোক।
[৫৫১]
নিত্যানন্দময় বাৰ ভকতৰ ধন।
হৰি বিনে আন ধন সবে অকাৰণ॥
