এই পৃষ্ঠাটোৰ মুদ্ৰণ সংশোধন কৰা হৈছে
৩১১
সটিক নামঘোষা
আনন্দ লাভ হয়। কিছুমান দুৰ্বোধ লোকে এই সামান্য বিষয়কে আশা কৰি একান্তমনে সেই আনন্দময় ভগৱানক নভজে।
[৪৭৭]
আপুনি নলৱে নাম অনকো নিন্দয়।
কোটি জনমক লাগি দুৰ্ঘোৰ সঞ্চয়॥
এই দুৰ্ব্বুৰীয়া লোকসকলে নিজেতে নাম নলয়েই, আনে লোৱা নিলেও নিন্দা কৰে; তাব দ্বাৰা কেটি জন্মলৈ দুৰ্ঘোৰ পাপ সাঁচে; অৰ্থাৎ নামক নিদা কৰাৰ ফলত তেওঁ বহুত জন্ম পাছলৈও অপকৰ্ম্ম কৰি নানা ললাট ভুঞ্জে।
[ ৪৭৮]
হৰিনামে কৰে সংসাৰৰ বন্ধ ছেদ।
হেন নামে নাহি ইচ্ছা কিনো ভৈলা খেদ।
হৰিৰ নামে সংসাৰৰ বন্ধন ছেদন কৰে অৰ্থাৎ একান্তমনে হৰি- নাম ললে বিষয় বাসনা পূৰ হয়; এনে পৰম উপকাৰী নাম লবলৈ মানুহৰ অনিচ্ছা হল, ইয়াতকৈ অৰু কি বেজাৰৰ কথা আছে?
(৪৭৯]
ৰাম কৃষ্ণ হৰি নাম নিগম নিগুঢ়।
সদা নুসুমৰে কেনে পাপমতি মুঢ়॥
নিগম—নিবৃত্তিমূলক শাস্ত্ৰ।
নিগম নিগুঢ়—নিগম শাস্ত্ৰত থকা ৰহস্য।
